The faithful who pray this Litany, under the usual conditions, receive a partial indulgence. This is one of the 6 Litanies approved for public recitation A litany is a well-known and much appreciated form of responsive petition, used in public liturgical services, and in private devotions, for common necessities of the Church, or in calamities - to implore God's aid or to appease His just wrath.

 

 
Litaniae pretiosissimi Sanguinis Domini Nostri Iesu Christi

Kyrie, eleison (Kyrie, eleison.)
Christe, eleison (Christe, eleison.)
Kyrie, eleison (Kyrie, eleison.)

Christe, audi nos (Christe, audi nos.)
Christe, exaudi nos. (Christe, exaudi nos.)

Pater de caelis, Deus, (miserere nobis.)
Fili, Redemptor mundi, Deus, (miserere nobis.)
Spiritus Sancte, Deus, (miserere nobis.)
Sancta Trinitas, unus Deus, (miserere nobis.)

Response: Salva nos

Sanguis Christi, Unigeniti Patris aeterni,
Sanguis Christi, Verbi Dei incarnati,
Sanguis Christi, Novi et Aeterni Testamenti,
Sanguis Christi, in agonia decurrens in terram,
Sanguis Christi, in flagellatione profluens,
Sanguis Christi, in coronatione spinarum emanans,
Sanguis Christi, in Cruce effusus,
Sanguis Christi, pretium nostrae salutis,
Sanguis Christi, sine quo non fit remissio,
Sanguis Christi, in Eucharistia potus et lavacrum animarum,
Sanguis Christi, flumen misericordiae,
Sanguis Christi, victor daemonum,
Sanguis Christi, fortitudo martyrum,
Sanguis Christi, virtus confessorum,
Sanguis Christi, germinans virgines,
Sanguis Christi, robur periclitantium,
Sanguis Christi, levamen laborantium,
Sanguis Christi, in fletu solatium,
Sanguis Christi, spes paenitentium,
Sanguis Christi, solamen morientium,
Sanguis Christi, pax et dulcedo cordium,
Sanguis Christi, pignus vitae aeternae,
Sanguis Christi, animas liberans de lacu Purgatorii,
Sanguis Christi, omni gloria et honore dignissimus,

Agnus Dei, qui tollis peccata mundi, (parce nobis, Domine.)
Agnus Dei, qui tollis peccata mundi, (exaudi nos, Domine.)
Agnus Dei, qui tollis peccata mundi, (miserere nobis, Domine.)
Redemisti nos, Domine, in sanguine tuo. (Et fecisti nos Deo nostro regnum.)

Oremus. Omnipotens sempiterne Deus, qui unigenitum Filium tuum mundi Redemptorem constituisti, ac eius sanguine placari voluisti: concede, quaesumus, salutis nostrae pretium ita venerari, atque a praesentis vitae malis eius virtute defendi in terris, ut fructu perpetuo laetemur in caelis. Per eundem Christum Dominum nostrum. (Amen.)